Eg skreiv ein blogg i går og kom i dag på at eg kunne sjekke litt nærare
når det gjeld soga om Hælelause-Jo. Det er ikkje nokon tvil om at mannen
har levd. Han skal ut frå det som heiter Voldasoge, ført i pennen av Per
Årviknes, vore med i fleire slag der han hadde utmerka seg. Han fekk garden
Sunndalsfolden som løn for det. Ut frå det må ein slutte at garden hadde vore
krongods.
Årviknes skriv at sabelen som Jo slo inn i biten, sto og dirra. Jo må ha hatt
status mellom dei styrande for han er nemnd som lagrettemann i 1706. Ut frå
Voldasoga kan det elles sjå ut til at han har kome til garden i 1703.
Eg finn ikkje ut kva tid kona hans, Brit, døydde, men det er opplyst at han
vart gift andre gong med Marte Steffensdotter.
Slekta til Hælelause- Jo har levd her på garden i over 300 år. Det er mykje
som har endra seg. Det får eg akrive om ein annan gong.
