Månetankar
Det er fullmåne i dag. Ein ekstra fullmåne, king size om du vil, Månen som går i ei elliptisk bane i høve til jorda er no nesten så nær jorda som han kan bli. Då får vi vone på klarver i kveld så kanskje vi ser noko vi aldri har sett før, på månen.
Eg kjenner til at det knyter seg mange meiningar om kva månen har å seie for ver og daglegliv. At månen har noko å seie for flod og fjøre, er vel allment akseptert. Det skal visst bli ekstra stor flod i samband med at månen er så nær jorda.
Før meinte folk at ein ikkje måtte slakte gris på minkande måne for då vart flesket udrygt. Skulle ein barbere seg, ville det bli vanskeleg får å få skjegget av på fjørande sjø osv. Enno er det mange som legg vekt på kvar nymånen tenner om kvelden eller natta. Skjer det i nordvest, vert det ruskever neste månaden. For meg er det eitt fett kvar han tenner, eg trur ikkje så mykje på desse gamle merka.
Eg vil heller sitere eit dikt av Olav H. Hauge:
I dag såg eg
tvo månar
ein ny
og ein gamal
Eg har stor tru på den nymånen
Men det er vel den gamle.