Gløsen
Gløsen er eit utkikspunkt frå Sundalsåsen mot Austefjorden. Her er det bratt ned til Holsvika og fjorden.
Å gløse er eit synonym til å sjå. Gløser ein ser ein med godt opne auge, nesten som ei stiring. Ein såg gjerne etter noko her.
Til venste ser vi Løfolla og til høgre på andre sida av fjorden, Aurstad.
For meir enn femti år sidan var dette staden der Åse-Knut stod og ropte til notlaget nede på fjorden når det vart kasta etter sild. Han hadde eit godt mål og ropte slik at dei kunne høyre det.
Det var før mobiltelefonen si tid! Vi likar å ta med folk opp på Åsen og syne dei utsikta. Frå Åsen kan ein sjå fram i Langvassbygda og ned i Sundalen.
