Radioandakten
Eg er ein av dei som får spørjeundersøkingar frå TNS- Gallup. Eitt avspørsmåla på ei slik undersøking gjekk på kva eg syntest om at det er andakt på Nrk. Dei fekk eit positivt svar på det.
Kvifor er det så viktig for mange å få vekk alt som smakar av kristendom på radio og TV? Det var ein søndag eg reiste med ekspressbussen frå Oslo til Volda. Då kl. var 11.00 var det tid for radiogudsteneste. Ved eit «uhell» stod radioen på slik at heile bussen høyrde det. Straks var det ein som sprang fram til sjåføren og fekk slått av. Gudsord gjennom eteren er farleg det!
Kva så med radioandakten? Mitt syn at det er viktig med ein slik programpost. Ikkje berre fordi det har med kulturen vår å gjere, men fordi det er nokon som treng det. Det er mange som har eit positivt tilhøve til kristendommen, men som les lite i Bibelen. Då er det fint å få noko over radio, måndag til torsdag.
Innhaldet i desse andaktene har ofte lite substans. Nokon presterer å snakke om ver og vind og likegyldige ting. Likevel: Fadervår og velsigninga er med. Då kan ein i alle fall stanse opp ved det. Dei beste andaktene tek med dagens tekst ut frå kyrkjeåret. Så er det nokre andaktshaldarar som er særleg fine å høyre på. Eg tenkjer m.a på Geir Gundersen.
Kvifor er kristne menneske så redde for å vise andlet? Sjå på bilete frå fredagsbøna i muslimske land! Muslimane er ikkje redde for å vise kva dei trur på.
