Follabloggen

Snart skal eg få stadfesta eller kanskje avkrefta mine tankar om eit stor land i Afrika. Det er ofte slik at ein må endre litt på tankesettet når ein får sjølvsyn. Eg veit der er stor fattigdom og mesta halve folket er analfabetar.

No filosoferer eg over kva lukter ein møter. Eg vil ikkje skryte av denne sansen slik i kvardagslaget. Då er ho eg lever i lag med mykje naskare for ho luktar støv også. Når eg kjem heim att, skal eg skrive litt om inntrykka mine, luktinntrykka også. Synsinntrykka er greiast å ta vare på, med eit kamera. Viktigast her er det vel å passe på at ikkje nokon knabbar det frå meg. Høyrselsprøve kan ein også få med seg ved å ta opp videosnuttar.

Landet har tynn luft, den største byen ligg på høgde med Galdhøpiggen så det er mogleg å få med seg litt høgdetrening dei knappe 14 dagane vi skal vere der.

Du synest kanskje ikkje det er så spennande dette med lukt eller ange, men tenk deg at du kjem til eit nytt land og har mist luktesansen etter den lange flyturen.