Gi alt!
Det er det dei lovar når dei står fram og vert intervjua, dei som skal prestere noko, gjerne framfor eit meisterskap. Somme tek ekstra hardt i og lovar å yte 110 %. Alle veit at det ikkje er mogleg, men det høyrest så bra ut. Ein kan godt love å yte meir enn ein maktar, men det går ikkje alltid vegen.
Det er vel mest jordnært å love at ein kan gjere sitt beste. Det er forresten slett ikkje sikkert ein får til det heller. I etterkant kan det vere greitt å oppsummere kva som gjorde at det ikkje vart topplassering eller rekord.
No kan det tenkjast at nokon verkeleg gir alt, og ikkje berre på idrettsbana, men heile livet sitt, utan å halde noko att, synge ut og meine det: I Surrender all. Eg har stått i kor og sunge dette og tenkt: Gjer eg verkeleg det?
