Follabloggen

Har du ein Clack på kjøkenet. Her i huset finn du han der. Det er eit hjelpemiddel til å få toppen av egget. Til alle tider har menneska brukt eit velretta slag med egga på ein bordkniv til å få av toppen så teskeia kan kome til.

Kona hadde kjøpt ein ekstra som ho hadde på lur, fint innpakka. Pakken kom fram ved frukostbordet ein morgon. Det skulle vere ei gåve på bryllaupsdagen til Idunn og Egil. Før utpakkinga vart det spekulert på kva det kunne vere, ein stav, ei stang – ein stokk? Så såg alle det , og seksåringen hadde klart kva det var: Ein eggestokk!

Etterpå fekk alle ei kort forklaring på kvifor det vart lått ved bordet.