Follabloggen

No har yr fortalt om påfyll av snø. Kvitekaren kryp nedover liene, og eg har funne fram stillongsen igjen. I går for her ein gul bil som sanka inn brøytestikkene så det vert vel ein kort vinter. Vi får besøk av sju barneborn i påska, så eg må vel hente akebretta nedatt frå garasjebetane. No ja, det er no ikkje meir sama, men sparken skal ikkje takast fram att, og heller ikkje rattkjelken. Idunn har ikkje tenkt at dei skal ta med ski denne gongen, men då fortalde eg henne at det kjem ny vinter hit så det må vurderast att.

Veret får no bli som det vil, men eg hadde skumle planar om å sysselsetje to svigersøner og ein son med å legge trod og papp på vedskjulet, men det ser smått ut. Det vert vel mest kos, vil eg tru. Eg får vone i det lengste at yr fer med aprilsnarr, men teikna tyder på at det vert eit pjaskje påskever.