Follabloggen

Komen heim frå ei veke i urbane strok, ser eg at graset har vakse. Det hadde vakse om eg var heime og, forresten. Får sjå no om det lettar såpass at ein kan drage igang Hondaen. I byen er det også gras, plenar og uslegne kantar både her og der, men når ein kjem heim, er ein mykje meir fokusert på det som veks rundt husa. Det har vore mykje folk rundt meg nokre dagar, støy også. No vart det så stilt rundt husa. Bur i ein utkant, Skarevegen 159. Skulle tru det var i byen. Her er det fleire hundre meter til neste bustad ved vegen.

Det er her som er heime. Det var litt rart at eg kom på denne songtittelen då eg såg ut av stoveglaset i stad. Resten av visa kan det vere det same med.