Follabloggen

Tre vidgjetne menn med etternamnet Armstrong. Eg veit ikkje om alle tre har fått sitt minnesmerke eller statue. Etter det som har hendt siste dagane, er den siste riven ned frå sokkelen. Ein stor syklist er avslørt som juksar. Dei sju sigrane i Tour de France er er tekne frå han, og han sit att med skamma.

Neil er ikkje mellom dei levande lenger, men minnet om måneferda i -69, vil leve. Den første mannen på månen! Kva så med den første i trioen, Louis ? Den farga jazzmusikaren frå New Orleans kan ein framleis høyre på vinyl og cd. Ein av dei første låtane eg kan minnast er «Wambesi» på trompet, og seinare «What a wonderful World», der han syng med si sprokne stemme.

Det er ille å bli fråteken all ære, og etter det bli «raka fant». Då tenkjer eg heller på dei to første.