Grøt
Det vert ikkje innlegg på bokmål, viss nokon venta det. Har du høyrt om grjot? Det er eit urgammalt ord for stein. Dialektisk kan det vere grøt, og då i samanheng som Grøthornet(fjell) eller sendegrøt. Det siste er noko verre å forstå. Grøt+sende. Sisteleddet kjem av sandstein. Sandstein har vorte brukt til å lage brynestein av. Her i området finn vi felt med sandstein og her er også ein lokalitet som vi kallar Sendegrøtene. Her har det vorte teke ut sandstein til bryner. Sandsteinen er så «mjuk» at du kan» skrive» i han. I Sendegrøtene har fleire skrive initialar på bergveggen, gjerne saman med årstal.
Ordet gryte kjem visst og av grøt. I tidlegare tider vart kokegryter laga av kleberstein. Det som vart laga i ei gryte, kunne vere graut eller grøt. Det er mykje interessant når det gjeld kva ord kjem av.
