Adventskalender

  1. desember  : Adventskalenderen er på plass. Denne kalenderen har eit opphav som vi kan lese om på baksida: » ADVENT 1984   Endelig har vi teke oss tid til å lage ein adventskalender. Mor og Idunn har styrt med dette. Vi har hatt ein underleg førjulsvinter med varmegrader og opphaldsver. til no 6. des. har det ikkje lege snø på markane. Siri går 1. året på gymnas i Volda. Idunn er 6. klassing og Birgit i 4. Håvard og Solgunn to dagar i barnehagen.»  Ein vil sjå at det ikkje er mykje plass til dagleg gåve i kalenderen. Det kunne vere ein sjokoladebit, ein tyggis eller noko anna smått. Den tida borna våre vaks opp var det ikkje så viktig å markere kvar dag i advent med ei skikkeleg overrasking. Det var likevel litt ekstra kvar dag med opning av kalenderen. Som du ser er det ei fyrstikkøskje. Kalenderen har vore lagra på loftet og der har ikkje vore trygt for smågnagarar. Dei  likar også det som er søtt og vi ser tydeleg spor på det som er luke 8. Etter at borna reiste ut i verda og vi vart att å leine har vi ikkje brukt kalenderen. Han har likevel fått henge på veggen som ei påminning og ein fin dekorasjon i adventstida. Kona mi er oppfinnsam og flink i forming. Kva eg gjorde i 1984. Eg arbeidde i skulen og hadde også begynt i politikken. 

 

 

Annonser

2 kommentarer til «Adventskalender»

  1. Hei Harald,

    Kjekt å sjå at du no held liv i Follabloggen igjen. Dine ord gjer eg blir sitjande å reflektere over dine tankar og blir vel tankefull sjølv også.

Legg igjen en kommentar

Din e-postadresse vil ikke bli publisert. Obligatoriske felt er merket med *