Slik er det. Når ein skal lære noko, må ein ta det stegvis. Dette bør ein person med lang pedagogisk røynsle vite. Tek ein snarvegar, kan ein kome til å angre. Skal ein søkje råd, må ein framfor alt stille rette spørsmål. Det kan vere krevjande nok.
Vi er nok ein gong komne til laurdag. Bra dag det, men det er ein dag då eg ofte får gjort svært lite. Sein start, avislesing, graut til middag, tidleg kveld og så altfor mykje fjernsyn. Gå ut, seier du, restaurantbesøk, konsert, overraskande besøk hos einkvan. Nei, oftast vert det heimekos. Hadde besøk ei veke av dotter og to barnebarn, dei reiste med flyet frå Hovden i går. No er det Bjørg og eg. Ute snør det.
